Types Of Hackers |Part One|Black Hat Hackers

[Ijaz Farooq]

السلام علیکم
اُمید ہے تمام معزز اراکین بخیروعافیت ہونگے
اینٹی ہیکنگ سیکشن
یہ اس سیکشن میں میرا ڈیبیو ہے۔میری کوشش ہوگی کہ آپ کو ان معلومات سے روشناس کرواؤں جو اس سے پہلے آپ نہیں جانتے ہونگے
پہلے آرٹیکل میں ہم دیکھیں گے کہ عالمی سطح پر ہیکرز کتنی قسم کے ہیں؟؟انہیں کیا مخصوص نام دیا گیا ہے؟؟؟اور کیوں دیا گیا ہے؟؟وہ کیا کچھ کرتے ہیں؟؟
میری ناقص معلومات کے مطابق اس وقت تین مشہور ہیکر کیٹگری ہیں

٭بلیک ہیٹ ہیکرز
٭وائٹ ہیٹ ہیکرز
٭گرے ہیٹ ہیکرز
اس کے علاوہ بلیو ہیٹ،ریڈ ہیٹ،ایلیٹ ہیکرز وغیرہ عالمی سطح پر کوئی جان پہچان نہیں رکھتے،یہ لوکل کلاس ہے

آپ یقینا سوچ رہے ہوں گے کہ یہ ہیکرز اتنے رنگدار کیوں ہوتے ہیں؟ دراصل ہیکنگ میں رنگ دار ہیٹ کا ذکر ہالی وڈ کی پُرانی بلیک اینڈ وائٹ فلموں سے آیا جن میں ہیرو کو عام طور پر سفید رنگ کی ٹوپی پہنے ہوئے دکھایا جاتا تھا جبکہ ولن نے سیاہ رنگ کی ٹوپی پہن رکھی ہوتی تھی۔ تاکہ دیکھنے والے دیکھتے ہی سمجھ جائیں کہ ہیرو کون ہے اور ولن کون۔ یہ منظر اب ہالی وڈ کے بجائے لالی وڈ میں بھی دیکھا جاسکتا ہے۔ ہیکرز کو بھی ان کے عزائم کی بنا پر سیاہ یا سفید کہا جاتا ہے۔
آج سے ہم باری باری ان تمام ہیکرز کے بارے میں جانیں گے
:آج اس پہلے پارٹ میں ہم دیکھیں گے کہ
بلیک ہیٹ ہیکرز کون ہیں؟؟انہیں کیسے یہ نام مِلا؟؟وہ کیسے دعویٰ کرتے ہیں کہ وہ ایک گھنٹے میں پندرہ سے بیس ہزارا ڈالر باآسانی کما سکتے ہیں؟؟؟انہیں کس نے جِلا بخشی؟؟؟

Black Hat Hackers:

وکی پیڈیا کے مطابق ان ہیکرز کو کچھ یوں ڈیفائن کیا گیا ہے

ان کا کہنا ہے کہ وہ ایک دن میں بیس ہزار ڈالر تک کما رہے ہیں
بلیک ہیٹ ہیکر، کمپیوٹنگ کی زبان میں اُسے کہا جاتا ہے جو نیٹ ورک سے جڑے کسی کمپیوٹر پر بغیر اجازت اور بُری نیت سے رسائی حاصل کرتا ہے۔ بلیک ہیٹ ہیکرز کی کارروائیوں کا مقصداکثر کسی کے سسٹم کو نقصان پہنچانا، ان کے کمپیوٹر سے ڈیٹا چرانا، کریڈٹ کارڈ نمبر یا پاس ورڈ اُڑانا، ذاتی نفع یا صرف دوسرے پر اپنی برتری ثابت کرنا ہوتا ہے۔یہ سب کچھ وہ یوزرز کی لاپرواہی اور کم علمی کی بنا پر کر پاتے ہیں

کریکرز کیسے معرضِ وجود میں آئے؟؟

رچرڈ اسٹالمین نے ہیکنگ کے موضوع میں کریکر کی ایک نئی اصطلاح وضع کی۔ لفظ کریکر بنیادی طور پر بلیک ہیٹ ہیکر کے لیے استعمال کیا جاتا ہے۔

ہیکر اور کریکر کے فرق کو سمجھیے

بیشتر لوگ ہیکر اور کریکر کو ایک ہی چیز سمجھتے ہیں۔ ہیکر ز میں بلیک ہیٹ یا وائٹ ہیٹ (جن کا ذکرآئی ٹی دنیا کے اراکین نیکسٹ پارٹ میں دیکھ پائیں گے) ہوتے ہیں جبکہ کریکر کی اصطلاح صرف بلیک ہیٹ کے لیے ہی استعمال ہوتی ہے۔

:بلیک ہیٹ ہیکنگ کی اقسام

بلیک ہیٹ، ہیکنگ میں دو طرح کے لوگ ہوتے ہیں۔
نمبر ایک: وہ جو ایڈوانس پروگرامنگ اور سوشل انجینئرنگ کے استعمال سے واقف ہوتے ہیں۔ بلیک ہیٹ ہیکرز کی یہ قسم کسی سسٹم میں داخل ہونے کے لئے اپنے سافٹ ویئر یا ہارڈویئر ٹولز خود تیار کرتے ہیں۔ یوں کہنا چاہئے کہ یہ اعلیٰ صلاحیتوں کے مالک کمپیوٹر پروگرامر ہوتے ہیں۔
نمبردو: وہ بلیک ہیٹ ہیکرز ہوتے ہیں جو پروگرامنگ وغیرہ سے نا واقف ہوتےہیں ور یہ دوسروں کے بنائے ہوئے خودکار ٹولز استعمال کرتے ہوئے کریکنگ کرتے ہیں۔ اِن میں سے بیشتر اس بات سے قطعی ناواقف ہوتے ہیں کہ یہ پروگرام کیسے کام کرتے ہیں۔ بس ٹول کو رَن کیا اس کے بعد چائے کی ایک پیالی لی اور کسی کے سسٹم کا بیڑا غرق۔ ان کے لئے لفظ ہیکر کا استعمال برا سمجھا جاتا ہے اس لئے یہ اسکرپٹ کڈیز کہلاتے ہیں۔

سورس

[Ijaz Farooq]

آیئے اب دیکھتے ہیں کہ ان کا ارتقاء کیسے ہوا؟

چند مشہور بلیک ہیٹ ہیکرز

دئیے گئے بلیک ہیٹ ہیکرزمیں سے بہت سے بعد میں سدھر کر وائٹ ہیٹ ہیکرز بن گئے لیکن ابتدائی زمانے میں انہوں نے کمپیوٹر سیکیورٹی سسٹم پر اپنی دہشت پھیلائے رکھی۔

Mark Zbikowski

اسے اولین کمپیوٹر کریکرز میں سے ایک کی حیثیت سے جانا جاتا ہے۔ اس
نے صرف اپنی تفریح طبع کے لیے ویانا اسٹیٹ یونی ورسٹی کے مشی گن ٹرمینل سروس جسے یونیورسٹی آف مشی گن کے مین فریم کمپیوٹر پر بنایا گیا کو کریک کیا۔ اس کے بعد بقول
جب اُس نے یونیورسٹی والوں کو یہ سمجھانا چاہا کہ کیسے وہ اپنے سیکیورٹی ہولز ختم کر سکتے ہیں تو یونیورسٹی نے اُسے دھمکی دی کہ اگر اس نے یونیورسٹی کی ملازمت قبول نہ کی تو وہ اس کے خلاف قانونی چارہ جوئی کریں گے۔ قانونی شکنجے سے بچنے کے لئے یونیورسٹی کی ملازمت قبول کر لی۔بعدمیں
Zbikowski
نے مائیکروسافٹ میں بطور آرکیٹک بھی نوکری کی۔ اس کا شمار مائیکروسافٹ کے اوّلین ملازمین میں ہوتا ہے۔

Jonathan James

اسے کامریڈ کے نام سے بھی جانا جاتا ہے۔ اس نے امریکی محکمہ دفاع کی جانب سے کئے گئے ایٹمی سرگرمیوں سے متعلق ہزاروں پیغامات کو غیر قانونی طور پر انٹرسیپٹ کیا۔ جس وقت اِسے سزا سُنا کر جیل بھجوایا گیا تو اس کی عمر صرف سولہ سال تھی۔ یہ اب تک کا سب سے کم عمر سائبر کرمنل ہے جسے سزا سُنائی گئی۔

Mark Abene

یہ
Phiber Optik
بھی کہلاتا تھا۔ نیویارک سے تعلق رکھنے والے اس بلیک ہیٹ ہیکر کے بارے میں مشہور ہے کہ اس نے ہزاروں امریکی نوجوانوں کو ٹیلی کمیو نی کیشن سسٹمز کو کریک کرنے کی طرف راغب کیا۔ یہ
Master of Deception
نامی گروپ کے بانیوں میں سے ایک ہے۔یہ گروپ ٹیلی فون نظام کو کریک کرنے کے حوالے سے بہت مشہور تھا۔ اس کے ممبران
DEC
سرورز کو کریک کرنے میں مہارت رکھتے تھے۔

Markus Hess

اسکا تعلق مغربی جرمنی سے ہے۔ اس نے امریکہ کی ملٹری ویب سائٹس سے بہت سی معلومات چرا کر سابقہ سویت یونین کی کمیٹی فار اسٹیٹ سیکیورٹی کو فراہم کیں۔اسے عالمی جاسوس کا درجہ بھی حاصل رہا ہے۔

Adrian Lamo

اسے
2003
میں گرفتار کرلیا گیا۔ اس پر الزام تھا کہ اس نے حیرت انگیز طور پر مائیکروسافٹ، نیویارک ٹائمز، ایم ایس آئی ورلڈکوم، ایس بی سی اور یاہو! کے سسٹمز تک رسائی حاصل کی۔ اس کے ہیکنگ کرنے کے طریقے کافی متنازعہ تھے۔ اصل میں
Lamo
کو شہرت حاصل کرنے کا بہت شوق تھا اور یہی شوق اس کی گرفتاری کا باعث بن گیا۔

Vladimir Levin

اس ماہر روسی ریاضی دان نے ایک گینگ کی سربراہی کرتے ہوئے سٹی بینک کے کمپیوٹر سسٹم میں مداخلت کرتے ہوئے تقریباً دس ملین ڈالرز چوری کرلئے۔ لیون کا استعمال کیا ہوا طریقہ کار آج تک نا معلوم ہے۔ سیکیورٹی ایجنسی نے لیون سے جو پوچھ گچھ کی تھی وہ بھی پوشیدہ رکھی گئی ہے۔ ہیکرز کے ایک مشہور گروپ کے مطابق لیون تکنیکی طور پر اس قابل نہیں تھا کہ سٹی بینک کے نیٹ ورک میں بغیر لاگ اِن ہوئے داخل ہوسکتا۔ اس نے سٹی بینک کے کسی اہلکار سے یہ معلومات صرف سو ڈالر دے کر حاصل کی تھیں۔

Kevin Mitnick

کریکنگ کی مختلف سرگرمیوں کی وجہ سے ایک عرصے تک جیل میں رہا۔ اس کی ضمانت تک منظور نہیں کی گئی۔ اس پر امریکی حساس کمپیوٹر سسٹم کو ہیک کرنے کا الزام تھا۔ جیل سے رہائی کے بعد کیون نے اپنی چند ویب سائٹس بھی تیار کیں۔ آئی ٹی دنیا کے اراکین کیلئے ہی بات یقیناً دلچسپ ہوگی کہ اس کی ویب سائٹس کو
بیس اگست 2006
کو پاکستانی ہیکرز کے ایک گروپ نے ڈی فیس کردیا۔ کئی گھنٹوں تک کیون کی ویب سائٹس پر اس کے خلاف گالیوں بھرے پیغام نظر آتے رہے۔

Robert Tappan Morris

1988
میں کیمل یونیورسٹی میں گریجویشن کرتے ہوئے اس نے پہلا کمپیوٹر ورم بنایا جو مورس کہلایا۔اس ورم نے بڑی تعداد میں کمپیوٹرز کو متاثر اور لاکھوں ڈالرز کا نقصان کیا۔اس نے بعد میں ایک کمپنی
Viaweb
بھی کھولی جسے بعد میں یاہو! نے خرید لیا۔

Nahshon Even-Chaim

یہ
Phoenix
کے نام سے جانا جاتا ہے۔ یہ آسٹریلوی ہیکنگ گروپ
The Realm
کا مرکزی رکن تھا۔ 1980ء کی دہائی میں انہوں نے امریکہ کے دفاعی اور ایٹمی تحقیقاتی کمپیوٹر سسٹم پر حملہ کیا۔ اس گروپ کو
1990
میں آسٹریلین فیڈرل پولیس نے گرفتار کیا۔ اس کی ایک وجۂ شہرت ناسا کے کمپیوٹرز تک رسائی بھی ہے۔

David L Smith

1999
میں اسمتھ نے
Melissa Worm
بنایا جس کی وجہ سے مجموعی طور پر تقریباً اسی ملین ڈالر کا نقصان ہوا۔ اسمتھ کو چالیس سال کی سزا ہوئی جو کہ بعد میں کم ہوتے ہوتے بیس ماہ ہو گئی۔ اب وہ
FBI
کے لیے کام کر رہا ہے۔اس کی گرفتاری میں ایک اور ہیکر جوناتھن جیمزنے ایف بی آئی کی مدد کی۔
ILOVEU
وائرس کے خالق کی گرفتاری بھی جوناتھن جیمز کی مدد سے کی گئی۔
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ

اس آرٹیکل کا مقصد مکمل طور پر تعلیمی اور معلوماتی ہے۔کسی بھی قسم کی ہیکنگ یا کریکنگ آئی ٹی دُنیا پر آلاؤ نہیں

[sia842]

excellent
thanks

[Muhammaduf]

Nice Presentation And Good Post Sir G.

[Tanveer99]

Very Nice jee.... Bahut Zabardast Malomaat Share ki aap nay.....

[Shehzad Iqbal]

وعلیکم السلام ورحمۃ اللہ وبرکاتہ
بہت عمدہ بہت ہی عمدہ بھائی۔۔
بہت کچھ نیا جاننے کو ملا۔۔
شئیر کرنے کا شکریہ

اگلے پارٹ کا بے چینی سے انتظار ہے۔

[Haseeb Alamgir]

اعجاز برادر بہت ہی اچھے اور آسان لفظوں میں آپ نے ہمیں
آگاہی فراہم کی
یقیناً مجھ سمیت بہت سے ممبرز کے لیے
آپ کا یہ قیمتی تھریڈ علم میں اضافے کا سبب بنا ہوگا
----------
میں یہ چاہونگا کہ
آپ آئی ٹی دنیا کے ممبرز کے ساتھ یہ بات بھی شئیرکریں کے
وہ اپنے سسٹم کو کس طرح سے محفوظ رکھنے کے اقدامات کر سکتے ہیں
بڑے بڑے ہیکرز سے نا سہی
چھوٹے موٹوں سے
ایٹی وائرس اور انٹر نیٹ سیکوریٹی کے علاوہ
وہ تو تقریبا سب استعمال کرتے ہیں ہیں
-----------
ایک اور بات وہ یہ کہ کیا یہ جو کریک کیے ہوئے
سوفٹ وئیر ز ہوتے ہیں کیا یہ بھی
سسٹم کو ہیک کرنے کا سبب بنتے ہیں
---------
اللہ پاک آپ کے علم میں مزید اضافہ فرمائے
آمین
-----------
آپ کی اگلی کلاس کا انتظار رہے گا
جزاک اللہ

[Ijaz Farooq]

اعجاز برادر بہت ہی اچھے اور آسان لفظوں میں آپ نے ہمیں
آگاہی فراہم کی
یقیناً مجھ سمیت بہت سے ممبرز کے لیے
آپ کا یہ قیمتی تھریڈ علم میں اضافے کا سبب بنا ہوگا
----------
میں یہ چاہونگا کہ
آپ آئی ٹی دنیا کے ممبرز کے ساتھ یہ بات بھی شئیرکریں کے
وہ اپنے سسٹم کو کس طرح سے محفوظ رکھنے کے اقدامات کر سکتے ہیں
بڑے بڑے ہیکرز سے نا سہی
چھوٹے موٹوں سے
ایٹی وائرس اور انٹر نیٹ سیکوریٹی کے علاوہ
وہ تو تقریبا سب استعمال کرتے ہیں ہیں
-----------
ایک اور بات وہ یہ کہ کیا یہ جو کریک کیے ہوئے
سوفٹ وئیر ز ہوتے ہیں کیا یہ بھی
سسٹم کو ہیک کرنے کا سبب بنتے ہیں
---------
اللہ پاک آپ کے علم میں مزید اضافہ فرمائے
آمین
-----------
آپ کی اگلی کلاس کا انتظار رہے گا
جزاک اللہ

شکریہ حسیب بھائی
انشاء اللہ یہ سب سٹیپ بائی سٹیپ شئیر ہوگا
بس آپ کی دعا چاہئے

[Abeer Alam]

waah bahot he umda maalomati thread.
Next part ka intizaar rahega.
Ishtirak ka bahot bahot shukriya.

[_TAHIR_]

Kya pak me hackers ka koi network govt. Ki taraf se chlaya ja raha hai jo mulk k difa aur intellgence k liye kam karta hai? Plz reply. . . ?

[Net-Rider]

وعلیکم السلام ورحمتہ اللہ وبرکاتہ
بہت اعلی اعجاز بھائی گریٹ ورک

[*KHAN*JEE*]

Nice Info ... Well-done