USDOTPunjabi said:
سٹيٹ ڈيپارٹمينٹ دے شعبہ ڈيجيٹل آؤٹ ريچ دا اک کم فيس بک تے ہور کئی دوجے فورماں تے سچی تے کھری گل بات کرنا، تے لوکاں دیاں امریکہ وارے غلط فہمیاں نوں ختم کرنا وے۔ ايدے علاوہ لوکاں دے امريکہ وارے غلط تاثر دا رد تے غلط بیانی دا جواب سچی خبر تے سیدھی سادی دلیل دی روشنی چ دیونڑاں وے-
يو ايس ڈيپارٹمینٹ آف سٹيٹ پنجابی ڈیجیٹل آؤٹ ریچ ٹیم
اسی امريکہ دے سٹيٹ ڈيپارٹمينٹ (دفتر خارجہ) لئی کم کردے آں- ساڈی ٹيم کئی سالاں تو مختلف انٹرنيٹ فورماں تے خبراں آلیاں ويب سائیٹاں تے لوکاں ولوں امريکہ وارے کیتی گئی غلط بيانی تے تروڑے مروڑے حقائق دا جواب دے رہے نے۔
پنجابی کوئی لگ بگ نوں توں دس کروڑ لوکاں دی بولی وے- ايدی چاشنی تے گہرائی دا اندازہ پنجابی لوک تے صوفی شا عراں دی شاعری توں لگ جاندا اے- ايسے گل نوں دھيان چ رکھ دياں ہوياں امريکی سٹيٹ ڈيپارٹمينٹ (دفترے خارجہ) نے پنجابی ٹیم نوں پنجابی بولنڑ آلے لوکاں لئی امريکہ وارے پھلائی گئی غلط فہمی نوں دور کرنڑ لئی حاضر نوکری کیتا وے۔
ايس گل چ تے کوئی شک نئی کہ امریکہ وارے چو ٹھے پراپوگینڈے، سازشی مفروضیاں تے غلط خبراں دی گردش بڑی عام وے، بہر حال، نا جواب دیتے ہوئے جھوٹ سچ بن جاندے نے، جیڑے مخالف سوچ دا بی لا کے نفرت تے دشمنی دے خیالات نوں جم دیندے نے۔ ايس لئی امريکی سٹيٹ ڈيپارٹمينٹ (دفترے خارجہ) نے ایس گل دی ضرورت محسوس کيتی کے پاکستانی لوکاں نال چنگے تعلقات دا ودھاوا کرنڑ، اک تگڑے، پیڈے تے خوشحال پاکستان دے قیام لئی ڈیجیٹل آؤٹ ریچ ٹیم قائم کیتی جاوے۔ ڈیجیٹل آؤٹ ریچ ٹیم بڑے فخر نال دونوں ملکاں دے درمیان رابطے، چنگے تعلقات، تے تعاون نوں ودھاونڑ دی راہ چ حائل غلط فہمیاں دی کھڑی دیوار نوں سچائی تے کھرے حقائق دی مدد نال ڈیگنڑ دی کوشش جاری رکھے ہوئے وے۔
امریکہ آزادی تو لے کے ہونڑ تائیں کسے نا کسے رنگ چ پاکستان دی مضبوطی، استحکام، امن تے خوشحالی لئی تعاون جاری رکھیا وے۔ اسی ایس چنگی ریت نوں آپس دے تعاون، شراکت داری تے خیالات تے لوکاں دے تبادلے ذریعے اونڑ آلے کل نوں وی چالو رکھنڑاں چوہندے آں۔
پنجابی ڈيجيٹل آؤٹ ريچ ٹيم – يو ايس سٹيٹ ڈيپارٹمينٹ
Bookmarks