بھائیو! موبائل فون میں آئے روز نئی جدت آرہی ہے اور نئی نئی ایپس آرہی ہیں جو ہمیں ایک نئی دنیا سے متعارف کروارہی ہیں۔ چنانچہ آپ کی معلومات میں اضافہ کرتے ہوئے ، آج موبائل فون کے ایک نئے فیچر پر بات کرتے ہیں جو کہ ہواوی نے متعارف کروایا ہے۔ اس فیچر کا نام ہے "می ٹائم" اور یہ ہائی کوالٹی کی آڈیو اور ویڈیو کال کرنے کیلئے ہے۔ یہ فیچر سب سے پہلے ہواوی پی-40 میں سامنے آیا تھا ۔ لیکن اب ہواوی کے دیگر موبائلز میں بھی دستیاب ہے۔ حتی کہ پرانے موبائل ، جن کے سافٹویئر کو ای ایم یو آئی- 10.1 میں اپڈیٹ کیا گیا ہے۔می ٹائم میں کال بالکل فری ہے۔ لیکن اس کیلئے ضروری ہے کہ آپ انٹرنیٹ سے کنکٹ ہوں۔ دوسرے یہ کہ یہ کال صرف
اسی موبائل پر ہوسکتی ہے جس میں یہ فیچر دستیاب ہو۔یعنی ابھی یہ فیچر محدود ہے۔ گو کہ یہ فیچر آئی فون کے فیس ٹائم سے ملتا جلتا ہے لیکن اس فیچر میں نئی بات یہ ہے کہ اس کال کے دوران آپ اپنے موبائل کی سکرین دوسرے کسی دوست سے شیئر کرسکتے ہیں۔اور آپ اپنے موبائل کی سکرین کو اپنے سمارٹ ٹی وی یا ہواوی سپورٹڈ لیپ ٹاپ، ساؤنڈ سسٹم کے ساتھ بھی شیئر کرسکتے ہیں۔ نیز ویڈیو کانفرنسنگ کیلئے یہ بہترین ایپ ہے۔غالبا یہ فیچر ابھی پاکستان میں دستیاب نہیں ہے، امید ہے کہ جلد پاکستان میں بھی دستیاب ہوگا۔
Bookmarks