السلام علیکم۔ بھائیو ! آج ایک نئے موضوع کے ساتھ حاضر ہوا ہوں ۔ امید ہے کہ یہ معلومات آپ کیلئے مفید ثابت ہونگی۔
آج ایک تھریڈ جو کہ کوارٹز واچ کےموضوع پر تھا، پڑھا تو خیال آیا کہ کیوں نہ سمارٹ واچ کے موضوع پر کچھ معلومات آپکو بہم پہنچاؤں۔
جیسے کہ آپ کو معلوم ہے کہ سمارٹ واچ سب سے پہلے 1994 ء میں سامنے آئی تھی جو کہ "ٹائمکس ڈیٹا لنک " کے نام سے تھی۔ پھر سامسنگ نے 1999ء میں واچ فون متعارف کروایا جو کہ دنیا کا پہلا فون تھا جوکہ گھڑی کی صورت میں متعارف کروایا گیا۔
اس کے بعد سمارٹ واچ کا ایک سلسلہ شروع ہوگیا اور مختلف کمپنیوں نے مختلف فیچرز کے ساتھ اپنی اپنی سمارٹ واچ مارکیٹ میں لانچ کیں۔ موجودہ دور میں کئی ایک سمارٹ واچ کے علاوہ سمارٹ بینڈز مارکیٹ میں دستیاب ہیں جو کہ انسانی زندگی کا ضروری جز بنتی جارہی ہیں۔
ویسے تو اس وقت بے شمار برانڈز کی سمارٹ واچ مارکیٹ میں دستیاب ہیں لیکن ہم یہاں چند ایک کا ذکر کریں گے جن کے کئی ایک نئے اور منفرد فیچر قابل ذکر ہیں۔
یاد رہے کہ عام طور پر تقریبا ہر برانڈڈ سمارٹ واچ مثلا ایپل واچ، سامسنگ گلیکسی واچ ، ہواوی واچ، وغیرہ میں یہ فیچر دستیاب ہیں: ہارٹ ریٹ، واک اور رننگ ایکسر سائز سے متعلق ڈیٹا ، مثلا سٹپس ۔۔ دن میں کتنے قدم چلے ہیں اور کتنی کلوریز کنزیوم ہوئی ہیں،ٹمپریچر، نیند کتنی لی ہے، سٹریس کتنا ہے، میوزک وغیرہ۔ ان کے علاوہ نئے فیچر جو متعارف ہوئے ہیں وہ یہ ہیں
ای-سم ، ای سی جی ، کمپاس ، جی پی ایس ، بلڈ آکسیجن، بلڈ پریشر مانیٹر، وائی فائی، انفراریڈ کہ آپ اس کو ریموٹ کنٹرول کے طور پر استعمال کرسکتے ہیں، کیمرہ، گوگل میپ، یہ سب اس چھوٹی سی سمارٹ واچ کا حصہ ہیں۔ اس کے علاوہ موبائل کال ، میسج ریسیو کرنے کی صلاحیت تو اس کا لازمی حصہ ہے۔ عین ممکن ہے کہ آنے والے وقت میں کرونا وائریس کو مانیٹر کرنے کی صلاحیت بھی پائی جائے۔ بلکہ اس میں ایک فیچر ہے کہ بلڈ آکسیجن کتنی ہے، یہ فیچر کرونا کی علامات جاننے میں بہت مددگار ہے۔
سمارٹ واچ اب آپ کو ایکٹیو رکھنے کی کوشش کرتی رہتی ہے کہ اگر آپ زیادہ دیر سے بیٹھے رہے ہیں تو یہ وقت بہ وقت آپ کو الرٹ کرتی رہتی ہے کہ کچھ حرکت ہو۔
یہ تحریر مختصر ترین لکھی گئی ہے اور صرف بنیادی معلومات تک محدود ہے۔ امید ہے کہ آپ اس کو پسند کریں گے۔ وقت کے ساتھ ساتھ سمارٹ کے نئے فیچر ڈسکس ہوتے رہیں گے۔
Bookmarks