Visit Your Thread in Urdu...!
And Inshallah By the bless of God i'll compelete your collection...!
http://itdunya.com/showthread.php?t=96621
Visit Your Thread in Urdu...!
And Inshallah By the bless of God i'll compelete your collection...!
http://itdunya.com/showthread.php?t=96621
us shaam wo ruKhsat kaa samaa yaad rahegaa
Wo shahar wo kochaa wo makan yaad rahegaa
wo Tiis ki ubharii thii idhar yaad rahegii
wo dard ke uthaa tha yahaa yaad rahegaa
ham shauq ke shole ki lapak bhuul jaayenge
vo shamaa-e-fasurdaa kaa dhuaa yaad rahegaa
kuchh miir ke abyaat the kuchh faiz ke misare
ik dard kaa thaa jin main bayan yaad rahegaa
jaan baKhsh si thi us gul_barg ki taraavaat
wo lams-e-aziiz-e-do-jahan yaad rahegaa
ham bhuul sake hain na tujhe bhuul sakenge
to yaad rahegaa hamain haan yaad rahegaa
Ibne Insha
kal chaudhavi ki raat thi shab bhar raha charcha tera
kuch ne kahaa ye chaand hai kuch ne kaha chehara tera
ham bhi wahan maujuud the ham se bhi sab puuchhaa kiye
ham hans diye ham chup rahe manzuur tha pardaa teraa
is shahar main kis se milain ham se to chhuuti mahafile
har shaKhs teraa naam le har shaKhs dewana teraa
kuuche ko tere chhor kar jogi hii ban jaain magar
jangal tere, parbat tere, bastii teri, saharaa teraa
ham aur rasm-e-bandagii aashuftagii uftaadagii
ehasaan hai kyaa kyaa teraa ai husn-e-beparvaa teraa
do ashk jaane kis liye palko pe aa kar Tik gaye
altaaf kii baarish teri ikraam kaa darya teraa
ai bedareg-o-bamaa ham ne kabhii kii hai fugaan
ham ko teii wahashat sahi ham ko sahi saudaa teraa
tu bevafaa tuu maharabaan ham aur tujh se bad-gumaan
ham ne to puuchhaa thaa zaraa ye waqt kyuu Thaharaa teraa
ham par ye sakhti ki nazar ham hain faqiir-e-rah guzar
rastaa kabhi rokaa teraa daman kabhi thaamaa teraa
haan haan teri suurat hasin lekin tuu aisaa bhi nahin
ik shaKhs ke ashaar se shoharaa huaa kyaa kyaa teraa
beshak usi kaa dosh hai kahata nahi Khaamosh hai
tu aap kar aisi dawa bimaar ho achcha teraa
bedard sunti ho to chal kahata hai kya achchhi Gazal
aashiq teraa, rusawa tera, shair teraa, "Inshaa" teraa
Ibne Insha
Last edited by koolsaqi; 9th July 2009 at 01:52 PM.
Wo dil hi kya tere milane ki jo dua na kare
main tujh ko bho ke zinda rahon Khuda na kare
rahegaa saath teraa pyaar zindagii banakar
ye aur baat merii zindagii wafa na kare
ye thek hai nahin marataa koi judaai main
Khudaa kisi se kisi ko magar juda na kare
suna hai usako mohabbat duwain deti hai
jo dil pe chot to khaye magar gila na kare
zamana dekh chuka hai parakh chuka hai use
"Qateel" jaan se jaaye par iltaja na kare
Qateel Shifai
Mere Zaat zara be nishan....
Karo wo kis tarha say bian
jo kiay gay hain sitam yahan
Sunay kon mere yeh dastan,
koi hamnashee hay na raazdan
jo tha ghot wo bana sach yahan
nahi kholi main nay magar zuban
yeh akela pan, yeh udasian
mere zindagi ki hain tarjama
Mere Zaat zara be nishan....
kabi soni subha main ghomna
kabi ugri sham ko dekhna
kabi beghi ankho say jagna
kabi betay lamho ko socchna
magar ik pal hay umeed ka
mujhay Khuda ka hay jo aasra
nahi hi main nay koi gila kai
nahi hi main nay di hain duhain.
Mere Zaat zara be nishan....
main batiow kia mujhay kia milay
mujhay sabar hi ka sila milay
kisi yaad hi ki riza milay
kisi dard he ka sila milay
kisi gham ki dil main jaga milay
jo mera hay wo mujhay a milay
rahay shad yoh he mere jahan
k yakeen main badlay mera guman
Mere Zaat zara be nishan....
Tumhare bheegte palkoon se main ne barra poocha
mezaj-e- hus-ne-yaar main yak ba yak kya inkelab aya
sitara dekhna or dekh ker afsorda hogaya
bohot takher se tum ko sitaroon kaa hisab aya
Tumhare bheegte palkoon se main ne barra poocha
ke tark-e-rabt per kya mujh se wahsee yaad ate hain?
taluq torrna asan tha to phir!aankh kyun naam hai.
ana perver jafa pesha bhi yoon aansoo bahate hain?
Tumhare bheete palkoon se main ne barra poocha
ki jalne or jalane main bhala kya luttuf ata hai?
bus ak jhote ana ke waste berbad hojana
khude ke zaem main insan kitne dukh uthata hai?
زبردست
عمدہ انتخاب ۔۔۔۔۔۔۔۔۔۔
شیئر کرنے کے لئے شکریہ
bohat behtreen
Nice
Bookmarks