☼نقلاب قربانی سے ہی آتا ہے☼
!السلام علیکم
اُمید ہیں سب اچھے ہونگے
میرا بچپن تو کافی زیادہ یادوں سے بھرا ہوا ہے.اللہ کا کرم تھا اور اب بھی ہے
اچھے والدین تھے.پیارے بہن بھائی ہیں.سب نے کھبی سچ پوچھیں تو بڑا ہونے ہی نہیں دیا تھا
اور میں بھی بہت سادہ دل واقع ہوئی تھی اب بھی ہوں مگر تب بھولی قسم کی تھی اب تو اللہ کا شُکر ہے شعور ہے چیزوں کا
خیر یہ بات کلاس فور کی ہے
ہماری کلاس ٹیچر نے کہہ دیا کہ آ ج سے سب بچوں کی ہر مضمون کی ہوم ورک کاپیاں کلاس کی کاپیاں اور ہر مضمون کی رف کاپیاں
بھی الگ الگ ہونگی.یہ صرف سکول والوں کا اپنے کاپیاں بچنے کا ایک بہانہ تھا.اور جیسا کہ سب جانتے ہی ہیں کہ ٹوٹل آٹھ مضمون تو ضرور ہوتے ہی ہیں
میں نے یہ خبر آ کر گھر سُنا دی میرے بڑے بھائی کو سُن کر بہت غُصہ آیا کہنے لگے کہ
مس کو پوچھنا کہ اتنا بھاری بیگ تمھارا باپ اُٹھا کر لائے گا
میں بھائی کو غُصے میں دیکھ کر خاموش ہو گئی
اگلے دن ٹیچر نے سب بچوں کی کاپیاں مانگی کلاس ورک کی الگ
میری نا تھی اس لئے نہیں دی
?ٹیچر نے مجھے سٹاف روم میں بُلایا.میں چلی گئی.مس نے پوچھا کہ تماری کاپیاں نہیں ملی کیا بات ہے
?میں نے کہا ٹیچر وہ میرے بھائی نے کہا ہے کہ اتنا بھاری بیگ آپ کا باپ اُٹھائے گا
مس کا چہرہ زرہ کیا پورے کا پورا ہی بدل گیا پاس بیٹھی دوسری ٹیچرز کی ذرہ ہنسی نکل گئی.میرے بھی دانت نمودار ہونے کی کوشش میں تھے کہ ایک
ٹشش کی آواز آئی اور میرا گال اور کان ایک ساتھ گرم کر گئیں
اُفففف جب ہوش آیا تو میں فرش پر پڑی تھی.مجھے اپنا قصور تو سمجھ میں نہیں
آیا پر یہ بات سمجھ گئی تھی کہ اب میری شامت ہے.مس نے پورا ایک گھنٹہ سٹاف روم کے باہر کھڑا رکھا
پھر اگلے روز بھائی صاحب سکول پہنچ گئے اور پرنسپل سے ساری تقریر کر ڈالی کہ
آپ لوگ اپنی کاپیاں بیچنے کے لئے بچوں کو گدھا بنا رہیں ہیں
کچھ ہوش کی دوا کریں.چلو جی پھر کیا تھا پھر وہ قانون جو نیا نیا نافظ ہوا تھا میرے تھپڑکھانے سے بدل گیا
کسی نے سچ ہی کہا ہے کہ انقلاب قربانی سے ہی آتا ہے
?آپ کیا کہتے ہیں
پڑھنے کا شُکریہ
سُلطانہ مُصطفیٰ
Bookmarks