shehzad iqbal said:
اپنے کپتان صاحب آن لائن نظر آرہےہیں تو ان شاء اللہ اب جواب دیں گے کپتان صاحب یعنی اسکپر پاجی
سب سے پہلے تو بہت شکریہ تھریڈ میں دعوت دینے کے لیے۔
سوال نمبر 1۔ پہلا روزہ کتنی عمر میں رکھا تھا اور تب کیسا لگا رہا تھا؟؟
پہلا روزہ مجھے تو صحیح طرح یاد نہیں لیکن گھر پر پوچھنے پر پتا چلا کہ میں نے پہلا روزہ غالباً سات یا آٹھ سال کی عمر میں رکھا تھا۔
سوال نمبر 2۔ سحری میں کس ڈش کا ہونا آپ لازمی سمجھتے ہیں کہ اس کے بغیر سحری ادھوری لگتی ہے؟؟
سحری میں کوئی ایسی خاص چیز تو نہیں کہ اس کے بغیر سحری نہ ہو۔ لیکن آج تک تقریباً ہر سحری میں دودھ کا ایک گلاس ضرور پیتا آیا ہوں۔ اس رمضان سے دودھ کو لسی میں تبدیل کردیا ہے یعنی لسی ضرور پیتا ہوں۔ باقی سحری میں کچھ کھانے کا دل نہیں کرتا۔ پھر بھی تھوڑا کچھ کھا ہی لیتا ہوں۔
سوال نمبر3۔ افطاری میں خصوصی تیاری کرتے ہیں یا سادہ خوراک پسند ہے؟
افطاری میں جو بنتا ہے کھا لیتا ہوں لیکن فرمائش ضرور کرتا ہوں (مسکراتے ہوئے)۔ ہاں فرنچ فرائز بہت پسند ہیں افطاری میں۔ باقی جو بنے کھا لیتا ہوں۔
سوال نمبر4۔ رمضان کے حوالے سے یادگار واقعہ؟
ہاہا وہ ہی بھائی جو سب کا ہوتا ہے۔
بچپن میں جب سمجھ نہیں ہوتی تو کھاتا پیتا روزہ ہوتا ہے، چلتے پھرتے یہ وہ کھا لیا۔
باقی کوئی خاص واقعہ تو یاد نہیں۔
سوال نمبر5۔ رمضان کے حوالے سے آئی ٹی دنیا کے ممبر کے لئے کوئی نصیحت کوئی ہدایت؟
ہم کیا ہدایت کریں گے بھائی۔ بس یہ یاد رکھیں کہ یہ ایک مہینہ پورے سال کے بعد ہماری زندگی میں آتا ہے۔ اپنے ایمان کو تازہ کرنے کا یہ ایک بہترین موقع ہوتا ہے۔ اور جو اس سے فائدہ نہ اٹھائے تو اس حوالے سے حدیث تو سب کے علم میں ہے۔ باقی لفظ صوم کا تو مطلب ہی رُک جانے کے ہیں۔ تو بھائی کچھ بھی آپ کے ساتھ غلط ہو یا غصہ آئے تو صبر کا دامن ہاتھ سے نہ جانے دیں۔ کیونکہ ایک چھوٹی سی بیوقوفی آپ کے دن بھر کے بھوکے پیاسے رہنے کو بے کار کرسکتی ہے۔
اپنی دعاؤں میں اس گناہ گار کو بھی یاد رکھیے گا۔ جزاک اللہ
Bookmarks