صبر
اپنے معاملات اللہ پاک کے سپرد کر دیں اور اگر کسی نے آپ سے زیادتی کی ہے ، برا کیا ہے ، ناجائز بات کہی ہے ، بولی ہے ، بغیر کسی وجہ کے بداخلاقی اور بدزبانی کا ارتکاب کیا ہے تو پھر بھی پریشانی والی کوئی بات نہیں ۔۔ کیونکہ اپنے اپنے ظرف اور نصیب کی بات ہے ۔۔ اللہ پاک کے نیک اور اچھے لوگ صبر اور نماز سے اللہ پاک کی مدد مانگتے ہیں اور اللہ پاک کی مدد حاصل بھی کرتے ہیں۔
یاد رہے کہ اشتعال دلانے کا ایک طریقہ یہ بھی ہوتا ہے کہ بغیر کسی وجہ کے بار بار اور لگاتار آپ پر فقرے کسے جائیں اور بلاوجہ تنقید کی جائے ،، اور اگر آپ نے کسی کے ساتھ نیک نیتی کا مظاہرہ کیا اور نیکی کی تو اسکے باوجود بھی آپ کو اچھے بدلے کی جگہ برے سلوک کا سامنا کرنا پڑ سکتا ہے ۔۔ اس لیے ایک ہی کام کریں ۔۔ کہہ دیں کہ بھیا السلام علیکم ،، آپ پر اللہ کی سلامتی ہو ،، اور جان چھڑا کر اپنے کام سے کام رکھیں اور اللہ کے ساتھ اپنا معاملہ شئیر کر لیں۔۔ پھر دیکھیے گا کہ اللہ پاک آپ کو کیسے عزت دیں گے اور سرخرو بھی فرمائیں گے۔
جو لوگ اللہ پاک کے دین اور دینی علوم کی روشنی سے رہنمائی لے کر زندگی بسر کرتے ہیں تو بیشک وہی لوگ کامیاب بھی رہتے ہیں۔ اور جو لوگ تعصب ، حسد اور چغل خوری کرنے کے شوقین ہوتے ہیں انھیں بھی اللہ پاک مقررہ وقت پر بتا دیتے ہیں جو انھوں نے کر رکھا ہوتا ہے۔ چغل خور کے متعلق تو ویسے بھی فرمایا گیا ہے کہ چغل خور جنت میں نہیں جائے گا کیونکہ اسکا جرم اتنا بڑا ہے جو دنیا میں فتنے اور انتشار کا باعث بنتا ہے۔
نیک بنیں ، نیکی پھیلائیں ، خوش رہیں ، خوشیاں بانٹیں۔ اللہ پاک کی مخلوق کا خیال و احترام کریں لیکن اپنی پوزیشن واضح اور بہتر رکھیں اور بالخصوص آستین کے سانپوں سے اپنے آپ کو بچا کر رکھیں۔
اللہ پاک ہم سب کو صحیح راہ پر چلنے والا بنائیں اور ہدایت دیں ۔۔ آمین
Bookmarks