معروف ادا کارا معین اختر انتقال کر گئے
چار دہائیوں سے زائد عرصے تک شائقین کے دلوں پر راج کرنے والے لیجنڈ اداکار معین اختر آج کراچی میں کی60 عمر میں انتقال گئے۔
معروف اداکار ،کامیڈین، کمپیئر اور ہدایت کار معین اختر نے پاکستان کے پہلے یوم دفاع 6 ستمبر 1966 کو کراچی میں پی ٹی وی سنٹر سے اپنے فنی کیرئر کا آغاز کیا اور پھر دیکھتے ہی دیکھتے وہ مقام پایا جو بہت کم فنکاروں کو حاصل ہوا.ان کی حدمت کے اعتراف میں حکومت نے انہیں ستارہ امیتاز اور تمغہ حسن کارکردگی سے بھی نوازا تھا.ان کی وفات پر صدر وزیر اعظم سمیت سیاسی، سماجی اور عوامی حلقوں نے گہرے دکھ اور غم کا اظہار کیا ہے. بشری انصاری نے دنیا نیوز سے بات کرتے ہوئے کہا کہ ان کی معین اختر سے کچھ روز قبل ملاقات ہوئی تھی تو وہ بہت کمزور ہو گئے تھے مگر بیماری کی حالت میں بھی وہ آرام نہیں کرتے تھے بلکہ ہر وقت کام کی طرف ہی دھیان رہتا تھا۔ انہوں نے کہا کہ میں نے اپنی زندگی میں اتنا محنتی اداکار نہیں دیکھا۔ مجاہد شیخ نے دنیا نیوز سے بات کرتے ہوئے کہا کہ معین خان کی سب سے بڑی بات یہ تھی کی وہ ہر طرح کے پروگرام کی میزبانی کرتے تھے۔ ان کی ایک اور بڑی بات یہ تھی کہ وہ دلیپ کمار کی پیروڈی اتنی شاندار کرتے تھے کہ کئی بار دلیپ کمار نے ان کی تعریف کی تھی۔ انہوں نے کہا کہ معین ہر فن مولا تھے چاہے ٹی وی ہو، فلم ہو یا سٹیج ڈرامہ ہو انہوں نے رول میں اپنا لوہا منوایا۔ سہیل احمد نے کہا کہ معین اختر بہت بڑے فنکار تھے۔ انتہائی پیار بانٹنے والے اداکار تھے۔ انہوں نے بتایا کہ ایک ایوارڈز کی تقریب میں ان سے ملاقات ہوئی تھی بہت کمزور دکھائی دے رہے تھے۔
Bookmarks