Quote samrasyed said: View Post

apki ye post google search say mili jis ko parh k mujhay majboran is website pay apni ID bana k apko ye batana zarori laga k apki likhi hui dajjal say mutaliq information naqis hay or apko is tarhan k nazuk or ehem maslay pay itni choti umar may kuch bhi likhnay say pehlay Ahadees ki roshni may wazeh saboot k sath baat kerni chahye na k ye bahaney k meri woh kitab paros ki aunty lay gue hain ya falan Hadees itni lambi hay k main likh nahi sakta waghaira waghaira... meri ap say darkhaast hay k deen e islam ko bacchon ka khail samajh k na khailain or jo bachkana andaz ap nay apnaya hua hay is shadeed ehem maslay k liye us k liye ap k father ko keh k ap ko do thapar parnay chahye... agar ek bar bhi ehsas ho gaya k ap kia nadani ker rahey hain to ek saal sajday may sir rakh k baitho gay to bhi socho gay k Allah nay maaf kia ho ga k nahi is nadani pay...
meri buhat addna si request hay k pehlay apna ilm barhao ek do saal is topic pay acchey say parho us k bad likhna start karo.. parhnay k liye agar refrences chahye hain books k to main apko dayti hon.. lakin main apko 2000 or 3000 pages ki mukhtalif zubano ki kutub refer karon ge jin may is topic pay hain or itnay badey badey mufakir or philosphers ki hain jinhon nay apni zindagi k 20/20- 25/25 saal sirf isi baat ki tehqeeq may nikal diye k dajjal hay kia cheez us k bad unho nay zuban kholi sirf is liye k unki zuban say is topic pay koi ghalat baat na nikal jaye or woh ibn e adam ko behkaney ki ghalti na ker dain is liye itni research k bad jab unho nay kuch likha hay to itna wazahat k sath likha hay k dajjal ka baal or dajjal ki ankh kaysi hoge ye tak apko pata chul jaye ga woh kon si sawari use karey ga woh kia kia kuch ker raha hay mojooda door may or apney kharooj k baad kia kia or kaysay karey ga apko lug pata jaye ga.. apney baal noch lo gay ye tasavoor ker k k kahen ap or main bhi dajjali nizam ka hissa to nahi samnay guzarnay wala her insan mushtubah lagey ga.. un maqamat ka soch k ap safar kerna chor do gay.. kia kabhi socha hay k tum makka shareef janey say mana ker do gay?? dajjal aysa he hay k tum Makka shareef bhi nahi jao gay..
itni badi ghalti ap nay likhi hay k mujhay shadeed ghussa aa raha hay parh parh ker.. jab knowledge nahi hay to beta bina sochay samjhey deen ko mazaq na banao...
dajjal koi Hazoor SAWAW say pehlay paida nahi hua.. Allah kami beshi maaf fermaye meri.. balkey ek sabit hadees jo k sahi muslim or bukhari shareef may darj hay say ye baat murvi hay k madani dour may AP SAWAW ko khabar pohanchi k madinay ki ek yahoodi orat k haan ek ankh wala baccha paida hua hay to AP SAWAW , Hazrat Umar RTA k hamra waqiye ki tehqeeq k liye wahan tashreef lay guye or door say bacchey ko daikha, baccha jis ka naam IBN E SIYAD rakha gaya tha apney palney may laita ajeeb o ghareeb zuban bol raha tha Hazrat Umar RTA nay bacchay ko daikhtay he AP SAWAW say ijazat mangi k is ko abhi khatam ker don lakin AP SAWAW nay ye keh k rok dia k agar ye dajjal nahi to na huq kisi masoom ka khoon bahey ga or agar ye dajjal hay to ye tum say nahi marey ga (dajjal ka qata Hazrat EESA AS k hathon hona hay ba haisyat e musalman hamara ye emaan hay)Hazrat Umar RTA nay arz ki BAKHUDA ibn e siyad he dajjal hay or dohratey rahey jis per AP SAWAW nay khamoshi ikhtiyar ki or Hazrat Umar RTA ko inkar nahi kia..
ek dosri Hadees may ata hay jo k Hazrat Abu Bakar RTA say riwayat hay k Rasool SAWAW nay fermaya k dajjal k baap k ghar 30 saal tak koi baccha nahi hoga phir ek larka ho ga jis ki ek ankh kharab ho ge or ek dant bahar nikla hoga, woh bilkul nikama ho ga, sotay may agar chey uski ankhain band hon ge lakin uska dil hoshiyar hoga.Hazrat Abu Bakar RTA fermatey hain k hum nay madinay may ek yahoodi k han aysey bacchey (IBN E SIYAD) ki paidaish ki khabar suni to main (Hazrat Abu Bakar RTA) or Hazrat zubair bin awaam RTA usko daikhnay k liye guye or hum nay un say pocha tumhara koi baccha hay to unho nay jawab dia k 30 saal tak hamara koi baccha nahi tha, ab ek larka paida hua hay..ye tirmizi shareef ki hadees the..
ab ek or hadees ka hawala apki nazar takey next time ap hadees ki roshni k bina dajjal ya us say related topic na uthain..
sun un abu daood may ye hadees darj hay k Hazrat Jabir RTA fermatey hain k jub jang e ehza'ab hui the to us din k bad say hamain ibn e siyad ka kuch pata he nahi chala k woh kahan chala gaya..
to janab dajjal Rasool SAWAW say pehlay paida nahi hua tha taseeh fermaye or jo Rasool SAWAW say pehlay tha woh sirf MERA ALLAH SWT tha or US RUB E PAK k siva koi Rasool SAWAW say pehlay nahi hay or na he hoga kabhi.. or AP SAWAW ALLAK ka NOOR hain...
JASHAN E AMAD E RASOOL
ALLAH HE ALLAH
RABI UL AWAL KI TAMAM ROSHNIYAN BARKATAIN REHMATAIN FAZEELATAIN OR NAIMATAIN AP OR HUM SUB PAY HAMARA RUB NICHAWAR KAREY OR HUM SUB KO DAJJAL K ANEY WALEY SAKHT AYYAM MAY APNEY EMAAN PAY SABIT QADAM OR MAZBOOT REHNAY KI TAQAAT ATA FERMAYE OR APNEY DEEN MAY URAI JANEY WALI GHALAT BATON KI PYAR YA MAAR HER TARHAN SAY ROKNAY KI JURAAT OR HIMMAT ATA FERMAYE... AMEEN
ALLAH HUMAMEEN..
JAZAK ALLAH

hansi to mujhe apki post parh kar Aa rahi hai

maine kabhi ye nahi kaha ya samjha main bht bari HASTI hoon ya bht bara insan hoon,, mujhe mere walid sahb ne bht dafa danta bachpan mein & ab bhi sakhti karen to mujhe fakhar hota hai ke mere abu hain wo nahi samjhaen ge ya sakhti nahi karen ge to kon karey ga?? ap ko abeer bhai ne bata dia ke yahan NOOR BASHAR ye baten to laney ki TUK he nahi banti thee jesa ke ap ne kia aur yaheen se apki seriousness ka pta lag jata hai ke ap ne kesi be-tuki post kar di.. rahi baat ibn e siyad ki to wo bhi abeer bhai ne apko bata dia ke wo banda dajjal nahi tha aur khud ahadees mein mojood hai ke shroo shroo mein NABI PAAK SALLALLAHO ALEH WASALLAM ko shak tha us per but baad mein unhen wazeh bata dia gaya ke dajjal ek jazeerey mein qaid hai aur is per suboot hai HAZRAT TAMIM DARI RAZIALLAH ANHO wali taweel hadees jo ke forum mein share ki hoi hai.. mere mukammal threads parhen is series ke... dajjal series ke 5 articles hain ap ne sirf yehi dekha aur isee thread ke shroo mein dia gaya part-1 ka link bhi sarsari sa he dekha... iske baad waley bhi dekh len meri id se search kar ke.. na sirf ye series balkey iske elawa islam section & baqi jaghon mein bhi mere bht sarey different threads mojood hain jo apko dekhne chahyen.. balkey sirf isee thread mein mojood bht sarey logon ke comments & taasuraat dekh len & parh len,, mujhe ilm hai ya nahi iska faisla ap bhi nahi kar sakteen.. baqi hum ne last 7 years se in mamlaat per bht mehnat ki, parha, dekha, samjha & then Aagey phelaya jiske hazaron gawah & log hain jinhon ne ALHUMDOLILLAH istefada bhi kia... ALLAH PAAK ap per karam karen,, Aameen