Su-e-maikadaa na jaatey to kuch aur baat hoti
Wo nigaah se pilaatey to kuch aur baat hoti
Go hawaa-e-gulsitaa'n ne merey dil ki laaj rakh li
Wo naqaab Khud uthaatey to kuch aur baat hoti
Ye bajaa kali ne khil-kar kiyaa gulasitaa'n muattar
Magar aap muskuraatey to kuch aur baat hoti
Ye khuley khuley se gesoo, inhain laakh tu sa'nwaarey
Merey haath se sa'nwaratey, to kuch aur baat hoti
Go harum ke raastey se wo pahu'nch gaye Khudaa tak
Teri raahguzar se jaatey to kuch aur baat hoti...**
~~~~~<<<<<>>>>>~~~~~
Bookmarks