Sukhanwaraan e bazm:
Assalam o alaikum,
sab se pahle tu maiN muntazimeen e IT Dunya ka shukriya ada karna chahtee hooN jinhoN ne meree khwahish ko madd e nazar rakhaa.
mumkin hai keh is bazm meN BalochoN kee qaabil e zikr tadaad nah ho jiskee wajah se is section meN ziyadah activities nah hoN lekin lekin chonkeh yeh bhi Pakistan kee ek zaban hai tu meree naZar meN non-BalochoN ko bhi yeh Haq HaaSil hai keh woh deegar zabanooN kee taraH is zaban kee bhi taareeKh aur adab se waaqif hooN.
Mobarek Qaazi daur e Haazir ke ek awamii lekin maane hoove Baluchi shaair heN.
jinke qaarieen kee ta'adaad nah Sirf un logoN par mushtamil hai jo shaairee kee baareekiyoN ko samajhte heN balkeh ek aam aadmii jab ek aam gulookaar kee aawaaz meN Mobarek Qaazi ke alfaaz ko sunta hai tu use youN meHsoos hota hai keh yeh mere liYe likhii gayii hai.
unkee shaairee kee chand micaaleN pesh kar rahii hooN umeed hai keh Baluchi samajhne waale pasand farmaheNge.
mamnoon o taalib-e-dua'a
Zahida Raees Raji
Bookmarks