Woh Kesa Shaks Hay Kay Har Rooz Saza Deta Hay
Phir Hansata Hay Woh Itna Kay Sab Bhula Deta Hay

Kabhi Jo Roo Dey To Mujh Ko Bhi Bhool Jata Hay
Aur Phir Bhool Kay Mujh Ko Bhi Rula Deta Hay

Humaray Pas Na Aanay Ke Qasam Kha Kar Woh
"Aaja" Likhta Hay Woh,Khaghaz Peh Urra Deta Hay

Ussay Poocho Kay Bata Kis Say Muhabbat Hay Tumhain
Naam Sargooshi Mein Mera Hi Suna Deta Hay

Kabhi Kehta Hay Chaloo Sath Hamesha Meray
Chal Paroon Sath To Rasta Hi Phira Deta Hay

Khud Hi Kehta Hay Na Dhohraoo Purani Yaadein
Main Na Dhohraoon To Phir Khud Hi Suna Deta Hay

Khud Hi Likhta Hay Kay Jazbaat Mein Hulchul Na Karo
Aur Phir Khud Hi Nayi Aag Laga Deta Hay...!!!