dayaar-e-nuur
Dayar-e-Noor Main Teerah Shaboon Ka Saathi Hoo
Koi Tou Hoo Jo Meri Wehshatoon Ka Saathi Hoo
Main Us Se Jhoot Bhi Boloon Tou Mujh se Such Bolay
Meray Mizaaj Kay Sub Mosamoon Ka Saathi Hoo
Main Us Kay Haath Na Aaoon Wo Mera Ho Kay Rahay
Main Gir Paroon Tou Meri Pustiyoon Ka Saathi Hoo
Wo Meray Naam Ki Nisbat Se Moutabar Tehray
Gali Gali Meri Ruswaiyon Ka Saathi Hoo
Karay Kalam Jo Mujh Se Tou Merey Lehjay Main
Main Chup Rahoon Tou Mere Taivaroon Ka Saathi Ho
Main Apnay Aap Ko Deekhoon Wo Mujko Dekhay Jaye
Wo Meray Nafs Ki Gumrahiyoon Ka Saathi Hoo
Wo Khawab Dekhay Tu Dekhay Meray Hawalay Se
Meray Khayal Kay Sab Manzaroon Ka Saathi Hoo
~ IFTIKHAR ARIF ~
Reply With Quote
۔گوگل کے ساتھ۔
۔
۔
Bookmarks