Muhabbat ki Haseen Raahon me Aksar Mein ne Dekha Hay
jo Saathi Sath Chalte they, Bichartey mein ne Dekha Hay
Sajaate they Bare hi Shoq se, Kheyalon ki Haseen Duniya
Bohat choti Si Baaton pe, Ujarte mein ne Dekha Hay
Jo Kahte They ke ik Pal Bin Tere Ham Rah Na Paieyn Gey
Saamna Ab Ho tu Chup Chap, Guzarte Mein ne Dekha Hay
Jo Kahte They Tera Rishta Zamaney bhar se Afzal Hay
Unhi Rishton ko Pal Bhar me, Bikharte Mein ne Dekha Hay
.................................................
Bookmarks