wise-o-saqi-o-shaitaan kahaan sey aay
shair main dard kay unwaan kahaan sey aay
phdast-e-qudrat ka yeh aijaaz naheen to kia hai
abroo-o-aariz-o-mishgaan kahaan sey aay
ab kay aana thaa nayaa Sindh sey wazeer-e-aazam
lodhra dara-o-multan kahaan sey aay
ghareeb kiyoon naheen aataa kabhi hukoomat main
Chaudhry, Bhutto, mia, khaan kahaan sey aay
such kaho shehr main kis kis sey shanaasaaii hai
itnay namay hain mairi jaan kahaan sey aay
shair-khaani ka yahaan zauq naheen to phir yeh
Ghalib-o-Meer kay deevaan kahaan sey aay
maalik-e-kull hai tu insaaf dia hai toonay
dast-e-insaan main mizaan kahaan sey aay
husn-e-nokhaiz peh gahray nishaan sajdon kay
tujh peh sadqay taray qurbaan kahaan sey aay
zulmat-e-shab nay kaa'i baar yeh poocha mujh sey
subh-e-pur-noor kay imkaan kahaan sey aay
mujh sey muflis peh karum bhi hai tairi rehmat kaa
mairi kutya main yeh mehmaan kahaan sey aay
bint-e-attaar peh usrat main shabaab aanay per
yeh umang hasrat-o-armaan kahaan sey aay
shaikh kay raaj main yeh fikr hai lahaq rind ko
maikaday saray hain wiraan kahaan sey aay
soraho pairh kay pehloo main yaheen peh Fazil
iss biyabaan main shabistaan kahaan sey aay
Bookmarks