Shuker Hai Tera Khudaya, Main to is Qabil Na Tha
شکر ہے تیرا خدایا میں تو اس قابل نہ تھا
تو نے اپنے گھر بلایا میں تو اس قابل نہ تھا
اپنا دیوانہ بنایا میں تو اس قابل نہ تھا
گرد کعبے کے پھرایا میں تو اس قابل نہ تھا
مدتوں کی پیاس کو سیراب تو نے کردیا
جام زم زم کا پلایا میں تو اس قابل نہ تھا
ڈال دی ٹھنڈک میرے سینے میں تو نے ساقیا
اپنے سینے سے لگایا میں تو اس قابل نہ تھا
بھا گیا میری زبان کو ذکر الا اللہ کا
یہ سبق کس نے پڑھایا میں تو اس قابل نہ تھا
خاص اپنے در کا رکھا تو نے اے مولا مجھے
یوں نہیں در در پھرایا میں تو اس قابل نہ تھا
میری کوتاہی کہ تیری یاد سے غافل نہ رہا
پر نہیں تو نے بھلایا میں تو اس قابل نہ تھا
میں کہ تھا بے راہ تو نے دستگیری آپ کی
تو ہی مجھ کو در پہ لایا میں تو اس قابل نہ تھا
عہد جو روز ازل میں کیا تھا یاد ہے
عہد وہ کس نے نھبایا میں تو اس قابل نہ تھا
تیری رحمت تیری شفقت سے ہوا مجھ کو نصیب
گنبد خضراء کا سایہ میں تو اس قابل نہ تھا
میں نے جو دیکھا سو دیکھا بارگاہ قدس میں
اور جو پایا سو پایا میں تو اس قابل نہ تھا
بارگاہ سید الکونینٌ میں آکر نفیس
سوچتا ہوں کیسے آیا میں تو اس قابل نہ تھا
(حضرت سید نفیس الحسینی شاہ صاحب رحمہ اللہ تعالیٰ)
Reply With Quote
FoziaShah said:
Bookmarks