السلام علیکم ورحمتہ اللہ وبرکاتہ
عزیز دوستو! اسلام میں عورت کو بہت عزت کا مقام دیا گیا ہے، عورت کا ہر روپ (ماں ، بہن ، بیٹی ، بیوی) خوبصورت اور قابل احترام ہے۔ مگر آج کل بدقسمتی سے ہمارے معاشرے میں عورت سے ایک اور غلط رشتہ جوڑ دیا گیا ہے جسے (Girlfriend) کہتے ہیں۔ یہ ایک انتہائی شرمناک رشتہ ہے۔ ہر شریف لڑکی ایسے گھناؤنے رشتے سے دور رہتی ہے اور ہر شریف لڑکا اس کو نفرت کی نگاہ سے دیکھتا ہے۔
میری بہنو! ایک بات ہمیشہ یاد رکھیے گا کہ لڑکیاں اپنی عزت و وقار کے ساتھ ہی اچھی لگتی ہیں۔ کسی لڑکی کے لیے اس سے بڑھ کر ذلت کی کیا بات ہوگی کہ کوئی مرد محض اپنے وقت کو رنگین بنانے کے لیے اسے استعمال کر رہا ہو۔
مرد جس لڑکی کو اپنی عزت بنا کر اپنے گھر لے جانا چاہتا ہو ، اسے لے کر وہ کبھی ہوٹلوں یا پارکوں میں نہیں گھومتا۔ اسے وہ (Girlfriend) نہیں بیوی بناتا ہے اور اس کے لیے باعزت راستہ اختیار کرتا ہے۔ ایک شریف لڑکا جو آپ کو سچ میں پسند کرتا ہوگا وہ لڑکی کے گھر اپنے والدین کو بھیج کر عزت سے رشتہ مانگے گا۔
اوباش لڑکے معصوم لڑکیوں کو پھنسا کر ان کی عزت سے کھیلتے ہیں اور ان نادان لڑکیوں کو ہوش تب آتا ہے جب پانی سر سے اونچا ہو چکا ہوتا ہے۔۔خدانخواستہ اگر آپ ایسے کسی مرد کے جھانسے میں آ جاتی ہیں اور ناجائز تعلقات قائم کر لیتی ہیں تو یہ مت بھولیں کہ اگر وہ انسان اچھا نہ ہوا تو کل کو سارا خمیازہ آپ کو بھگتنا پڑے گا کیونکہ ہمارے معاشرے میں مردوں کی کی گئی غلطی قابل معافی ہوتی ہے مگر لڑکی کوئی غلط قدم اٹھا لے تو معاشرہ تو معاشرہ لڑکی کے اپنے گھر والے تک ساتھ دینے سے انکار کر دیتے ہیں۔۔ اور ایسی صورت میں زبردستی کرائی گئی شادی کی صورت میں سسرال والے تک ایسی بہو کو دل سے قبول نہیں کرتے۔۔۔ یہ ایک تلخ سچائی ہے ہمارے معاشرے کی۔
بہنوں سے یہ بھی گزارش ہے کہ براہ مہربانی نیٹ پر لڑکوں سے رشتے داریاں نبھائیں ، نہ ہی ان کو اپنے فوٹو وغیرہ دکھائیں۔ کیا آپ کو ہونے والے ان نقصانات کا اندازہ ہے جو کل آپ کی آنے والی زندگی تک تباہ کر سکتے ہیں؟؟؟ اپنی تصاویر اپنی فیملی کے لئے رکھیں، نیٹ پر ان تصاویر کا بنا اجازت کاپی کر کے غلط استعمال بھی ہو سکتا ہے اور آپ کو خبر تک نہیں ہوتی۔۔ اور یہ چیز آپ کے لئے نقصان کا باعث بھی بن سکتی ہے۔
ایسے کئی واقعات سامنے آئے ہیں جہاں لڑکیوں کی تصاویر یا ویڈیو بنائی گئی اور پھر انھیں بلیک میل کر کے غلط کام کرنے پر مجبور کیا گیا جس کے نتیجے میں کئی لڑکیوں نےخودکشی کر لی۔ اس لئے میری بہنو اپنے آپ کو ایسا چاند نہ بناؤ جس پر ہر کسی کی نظر پڑے بلکہ ایسا سورج بنو جس پر نظر پڑتے ہی جھک جائے۔
اور دعا کیجیے کہ اللہ پاک سب خواتین کو ایک اچھی بیٹی ، بہن ، بیوی اور ماں بننے کی توفیق دیں۔۔ اپنی ذمے داریاں احسن طریقے سے نبھانے والا بنائیں جس سے اللہ پاک بھی راضی ہوں اور نبی پاک صلی اللہ عليه وسلم بھی راضی ہوں۔۔ آمین یا رب العالمین
آج کے دور میں جو بندہ/بندی بھی اسلام کے بارے میں مکمل معلومات نہیں رکھے گا اس کے بہت حد تک گمراہ ہونے کے امکانات ہو سکتے ہیں۔۔ اللہ پاک ہم سب کو صحیح راہ پر چلنے والا بنائیں اور ہمیشہ حق راہ پر قائم رکھیں۔۔ آمین
Bookmarks