Masjid e Aqsa Wala Dress

[Fasih ud Din]

اسرائیلی حکومت کی سرکردہ وزیرنے قبلہ اول مسجد اقصیٰ کی تصویر والا لباس زیب تن کرکے ایک نئے تنازعے کو جنم دیا ہے۔ جس کے نتیجے میں فلسطینی عوام اور سیاسی حلقوں میں سخت غم وغصہ پایا جا رہا ہے ۔عرب ٹی وی کے مطابق اسرائیلی حکومت میں شامل وزیربرائے کھیل وثقافت میری ریگیو نے حال ہی میں ایک بین الاقوامی ثقافتی تقریب میں متنازع گائون پہن کر شرکت کی جس میں ارواح اسماعیل نامی ایک فلم کی بھی نمائش کی گئی۔اسرائیلی وزیرسے جب پوچھا گیا کہ انہوں نے بیت المقدس اور مسجد اقصیٰ کی تصویر والا لباس کیوں پہن رکھا ہے تو انکا کہنا تھا وہ بیت المقدس پر اسرائیلی قبضے کی 50 ویں سالگرہ منا رہی ہیں، اس کی مناسبت سے ایسا لباس تیار کرایا ہے ۔